صدّت للبغري الميمر نحلها

تگله فزعتك هذي محلها

يبويه اتگول زينب لو مشت خاف

يبويه طولها بالليل ينشاف

يبويه اميسّره هذا من الانصاف

او مجالس كل بني ميه تصلها

يبويه يا هظم طبّت الكوفه

يبويه اشلون كل مجلس نطوفه

يزيد ايشوفنه اشلون او نشوفه

يبويه اشلون هالهظمه انحملها

يبويه ايهون الك للشام ماشين

او ضل احسين ما تگعد يبو احسين

يبويه العايله ايتام او نساوين

يبويه اوي الغرب من يرحم الها

يبويه العابد السجاد بالگيد

يبويه امچتف او للشام البعيد

يبويه من تشوفه عمته اتهيد

يبويه من تگع من يرچب الها

فانهض لعلك من أسر أضرَّ بنا

تفكنا وتول دفن قتلانا