گلبي يبو حمزة تراه اتفطر او ذاب

او مثل المصيبة اللية دهتني امحد انصاب

ذيچ البدور اللّي ابمنازلنا يزهرون

والليل كلّه امن العباده ما يفترون

سبعة او عاشره عاينتهم كلهم اغصون

فوگ الوطيه امعفرين ابحرّ التراب

لو شفت جسم العلى المسناة مطروح

وذاك الشباب اللي ابصباح العرس مذبوح

لو شفت الأكبر ما لمتني ابكثرة النوح

وكلما طلع بالمعركة من خيمته غاب

ابعيني رأيت احسين بيده الطفل منحور

وأُمه الرباب اتعاينه واعيونه اتدور

فت ابونينه اگلوبنه وعيونه اتدور

ما خلتنه كربلا شيخ ولا شاب

واعظم مصيبة الهيّجت حزني عليه

داست على صدر العزيز خيول أُميه

حرگوا اخيامنه وسيّروا زينب سبيّه

شحچي وشعددلك يبو حمزه امن امصاب

ما نكّست راسي لجل فگد الاماجد

ما گصّروا بالغاضريه زلزلوا البيد

نكسّه الراسي ادخول زينب مجلس ايزيد

حسره او من عظم المصايب راسها شاب