تصيح أُم الحسين بدمع جاري

يبويه اظلم على افراگك نهاري

يبو ابراهيم يا رحمة الباري

عگب عيناك ريت الكون يعدم

نورك يبو ابراهيم من غاب

اظلم عله افراگك المحراب

او چبدي عليك انصدع وانعاب

او لبست الحزن والهم جلباب

او دمع الحسن واحسين سچاب

بويه اخبرك من خفت منك الأنوار

هجموا اعلينه الگوم واحنه ابداخل الدار

بويه او جنيني سگّطوا وانصبت مسمار

واكسروا ضلعي او وسموا مني المتنين

ما بطّلت ونها ولا جفّت العبره

او حسره تجر الفگد ابوها بثر حسره

المسمار نابت بالصدر والعين حرمه

او تندب يبو ابراهيم كل صبح او مسيّه

الواثبين لظلم آل محمد

ومحمد ملقىً بلا تكفين