نده وين ابن اختنه اووين اخوته

ابو فاضل او عنده اخوه امن الأشبال

صاح الشمر مضمونه السياسه

وهم احظور عند راعي الرياسه

التوه اورد لولح العباس راسه

حيه امن الحسين خاف ابهاي ينگال

گال احسين هذا اندعه ابخوله

يا عباس من واجب وصلوله

ركب مثل اللوه المنشور طوله

المجدم البيه الفتح ينشال

وصل ليه او يگله گول شتريد

عدو الله او عدونه البايع ايزيد

يگله ابراي اجيتك جيّد ايفيد

المثل مضروب مثل الوالد الخال

اجيت اباري گلي جيتك بيش

علينه انته الأمير او قايد الجيش

على حفظ الحيات اوبرغد العيش

او هذا الموت غنّه ابگرب الاجال

رجف عباس والسيف ابيمينه

اوعرج الهاشمي لاح ابجبينه

يگله الموت تدري الموت وينه

الموت ابسيفي البارج الآجال

انه الموت خواض المنايه

احزام احسين والشايل الرايه

الثايه هاي واليوصل الثايه

اهي بحمايتي واليصل رجال

يعبّاس ريّض لي اعلى هونك

اشعدهم عداكم يحاچونك

او بأمرت الجيش ايواعدونك

اخاف امن اخيك يفردونك