او لست تسمع ما تقول سكينة

عماه يوم الاسر من يحميني

اجت زينب الحره المعصب ابيدها

تهلهل والهلاهل لبن والدها

تهلهل والمدامع شبه كت السيل

تگله والكلايف غير اهلها اتشيل

هاي الخيل گوم انهض تلگه الخيل

سبع الخيل يا ذاعورها اتندها

سمع ندهة الحره او سمع نخواها

نهض طاعون عدوانه او مناياها

تعال او شوف من گام او تلگاها

يزينب آمري اشتريدين ينشدها

نشدها او ذبت المعصب وگالت شوف

بيض او سمر سمر الجنة او بيض اسيوف

هاي اركز او هاي اسرب او هاي اصفوف

هاي اركز او هاي اسرب او هاي اصفوف

حدنه ابشاربي متوهم اليگرب

ضنوة والدچ حيدر الطر مرحب

شنهي الخيل شنهي اصفوف شنهي اسرب

شنهي الزلم تخسه او توصل اشحدها

اعرفك ذخر حيدر ضمّك الهليوم

اعرفك ليث يا فاي يصل احزوم

كف الگوم سيفك يا عجيد الگوم

سيف المِن علي مذخور وحصدها

الچعين التشوف احصد وخرب الكيف

وين السيف هاذ اليوم يوم السيف

اسوي الطاس والفارس على التنصيف

ونتي او كربلا والسيف شاهدها

شهدلك يوم يوم الگنطره المشهور

والطف للقيامه بيرغ او منشور

هذا اليوم يومك وانت له مذخور

شيم اختك وبوها والنبي جدها

صاح اعلى المجاهد والمنايه اتصيح

نفخ الصور واليسمع لصوته ايطيح