حشم كل هله الماضين من جدّه او مساميهم

اورد أثنه على اصحابه وعدّد كل اساميهم

اشما ينده وهم سكتين يشوف الگدر راميهم

صاح ابصوت يا عباس اخوي البادّه اعلومه

وين الباديه اعلومه هاي اطفال عطشانه

هذا اللاّزِم افّاده او هذا ايلوج بلسانه

هاي الحرم ولهانه تگلك ليش يحمانه

يساجيها يواليها اشمضيومه او مهمومه

مهمومات خدركم ونتم ياكرام سكوت

انه احسين اصواتلكم مني اولا يهزكم صوت

انه شلي ابحيات الذل والعز والفخر بالموت

لايهنه بعدكم عيش ورخت العمر سومه

ياگوم من عتبة اشتطلبون

شلكم على وسفات وديون

نبيكم رسول الله گولون

او وصيته بهل بيته تخبرون

او علي والدي الكرار تدرون

وامي الزهره ما تنچرون

وخويالحسن ملگه اليقصدون

وانه احسين خامسهم تسلمون

النه او لجلنه اتصور الكون

ابيا دين دمي تستحلون