بنفسي أنصاراً فدوا سبط أحمد

وجدّوا بنصر السبط في كلّ مشهد

وفوا حيث وافوا طالبين لنصره

وبالعزم كلّ والبسالة مرتدي

وقد آثروا الموت الزؤام وورده

بنصر ابن هاديها على كلّ مورد (١)

گام ابنة الوصي البيه الكفاية

عدل عسكره او شد الروايه

جسمها اعلى اهلها او بگت رايه

ذاخرها لعد ضنوة الطيبين

ذاخرها لعد ذاك المچنّه

حبيب اوليه الطارش من تعنة

طلع ليه ايتلگّه وجذب ونّه

يگله انته يطارش مگصدك وين

يگلّه وينحب الطارش على الباب

الك گاصد ومتعني ابهالكتاب

گله اسدر او دمع العين سچّاب

لبو اليمة أجي على الراس والعين

هله صاحت حبيب احسين ينخاك

أظن بالغاضريه اليوم يتناك

بالله اعليك اخذني الزينب اوياك

اشوفنها وشوف الهاشميين

يگلها الهلچ روحي امودّعه اليوم

گطع لرض الطفوف افجوع واحزوم

وصل للطف وشاف الخيل والگوم

كلها امدرچله او خيمت صوبين

گصد يبچي او يهل دمعه على خدّه

لمخيم الحسين اوياه عبده

حب ايد الإمام او فاخ وجده

هله ابجية حبيب ايصيح لحسين

اوصيك يا عمّي بالحسين

اولاده واهل بيته قليلين

انا خايفه من هجمة البين

على العباس يا عمّي والحسين

رجالٌ تواصوا حيث طابت أصولهم

وأنفسهم بالصبر حتى قضوا صبراً

حماةٌ حموا خدراً أبى الله هتكه

فعظّمه شأناً وشرّفه قدرا

فأصبح نهباً للمغاوير بعدهم

ومنه بنات المصطفى ابرزت حسرى