بالله هل رفعت جنازته وهل

صلّى صلاة الميتين إمامها

بالله هل واريتموها في الثرى

وهل استقرَّت في اللحود رمامها

يا جثة ما شيّعت يوماً ولا

نحو القبور سعت بها أقدامها

ما شيعت نعشه أيدي أحبته

ولا جنازته شيلت بتوقيرِ

تهابه الوحش أن تدنو لمصرعه

وقد أقام ثلاثاً غير مقبور

نادت الحوره ابصوت يرض الغاضريه

عنچ اشلون امشي وأخوتي على الوطيه

او هذي عليَّ اعظم رزية من زماني

بيها ابچتل احسين بربوعچ رماني

اوتاه الفكر مني اوآنه المعروفه شاني

ابجسمه اليظل عاري او على اترابچ رميّه

منچ اريد اتغسِلِّيْ واتكفّنينه

واتشيعيه او وسط لحده اتوسّدينه

او نصبيله ماتم بعد دفنه لو مشينه

او خل بيه تنعى الناعيه صبح او مسيّه

عنها لسان الحال رد اعلى العقيلة

ما الي الدفن ابن النبي چاره وحيله

جسمه اموزع بالفله واشلون اشيله

نادي بني هاشم الدفنه ابها لمسيّة

وانچان گلتيلي بني هاشم بعيدين

ما يسمعون الصوت ودّي طارش الحسين

او خلي يصيح ابصوت عالي ذبحوا احسين

او داسوا على جسمه ابخيل الاعوجيه

گالت الحوره امتين الى طارش او مرسول

وآنه بگيت ابدار غربه او كل هلي اچتول

مـا عندي غير اعليل فكري اعليه مذهول

جذبوا افراشه او فرهدوه اجلاف اميه