روحني تعذيب ايدييودي بويوك بر دار العلوم اوله رق تأسيس ايلديكي بو مدرسه نك التي يوز بو قدر سنه مقر هدايت عرفان اولد قد نصكره مركز مبشرين ضلال وطغيان اولان بر مؤسسه يه انقلاب ايتمش اولمسي اوني مزارنده راحت ياتيرميوردي سز بو خطه يه سعادت كتيرن قدومكز له شرفبخش اولد يغكز اونك معلا تربه سني زيارت ايلديككز زمان اونك روحي سزى كنديسنه ياقين بولمش ، بو راز اضطرابي سزه اجمش ايدي وسزاي بيوك وشانلي قوماندان ، جامع امويده اونك تربه سي جوارنده ايراد بيورديغكز ايلك مهم خطبه كزده اونك نامني حرمتلر له اكاركن خاطر لمق صانكه اوكا بو خصوصده تأمينات ويرمش ايديكز. بو رايه كلنجه بو مدرسه يى كشاد ايتديكز اونك روحيله برابر بوتون عالم إسلامي دلشاد ايتديكز.

او ، مصردن كلوب بو دياري تخليص ايتمش ايدي. سز بورادن كيدوب او ديار مغدوري استخلاص ايليه جكسكز. جناب الله اوكا بخش ايلديكي نصرت وموفقيتي سزه ده ياور ايله سين اوراده اسلامك اك شهر تشعار بر دار العلوم مظلومي اولان ازهر وار. ازهره كليه كزك تحفهء تعظيماتني كوتوريركن دييكز وتأمين ايدكز كه حيات معرفتده يكي طوغان بو برادرلري سماي ترقيده بو عصرك خاطفة السيريله طي مراحل ايتمك وكنديلرينه يتشمك عزمنده در.

بز صلاحيه ليلر ايجون بيوك صلاح الدين ايوبينك نامي بيوك جمال باشا نك ناميله قارشمشدر هر ايكيسي بو مدرسه نك تاج ابتهاجي هر ايكسي قلوب عامهء اسلامك سراج وهاجيدرلر. بريني رحمت ديكريني خير وحرمتله هر كون ياد ايتمك مدرسه مزك دأب اصليسيدر. صلاحيه بويوك ناملرله ياشاياجق اونلرك نجاة وترقى وعدايدن جناح صيانت وشهرتي التنده اعتلا