يغنى عالمله برابر ايشته بوكون اهل سوريه ده كورييور ومسرتندن كوكسى قبارييور.

أنور ، جمال باشا حضراتنك يك فكر ويك امل ويك آهنك حميت اوله رق وطني بيوك بر وظيفه ايله هر قبضهء خاكنده برر مجاهد وفاضلك ، سلالهء طاهرهء حضرت رسول اللهدن برر ركن جليل وكاملك محترم عظامي موجود وحامئ دين وشريعت ، غازئ ذي نصرت صلاح الدين أيوبي ، فخر الكملين شيخ أكبر محيي الدين عربي حضراتتك تربهء مباركه لريله شرافت نمود اولان شام جنت مشامي زيارت بيورملري مفكورهء نزيهه لريني عزم مجاهدانه لريني بتون عظمت دينداريسيله جهان اسلامه تجلى ايتديرر بر حركت مبجله در.

ملتك ، اتحاد إسلامك انتباه وانكشافني مغز حميتلريله ، عزم وجلادتلريله ، عرفان وبصيرتلريله حصوله كتيرن وتخت وتاج سلطنت وخلافتي ظفر ونباهت الماسلريله زينتلنديرن بو ايكي داهئ معظم وقوماندان مفخم حضراتني ((ابابيل)) صميم روحيله سلاملار ايكن مسافرين خالصة لرينه ده عرض احترام ايدر وجناب ناصر حقيقيدن قطعي غالبيتلر نياز ايلر اه.