لو صار الگلب يحسين مكور للهموم
لو ردت عنّي اتروح وما ترجع اعلوم
اگطع اظنوني |
|
اگطع اظنوني |
لو يبني اظل برجاك |
|
يالخذت روحي اوياك |
ريّض يحادي
* * *
يالناوي عنّي اتروح او تتركني بالدار
مدري شيريد ايگول يبني الگلب محتار
لگعد وأجيم النوح عالدرب ليل انهار
ومن اليجي ويروح انشد على الاخبار
يبرحت عنّي |
|
يلرحت عنّي |
بلچن تعود اتناك |
|
يالخذت روحي اوياك |
ريّض يحادي
* * *
صاحت يبعد الروح يوليدي يا عباس
امّك وأريد ارباي يا رفعة الراس
وبالضيج اعرفك زين صاحب وفه ونوماس
ابيمنتك شفت السيف وشفت الدرع والطاس
امّن دليلي |
|
امّن دليلي |
حسين الاخو بحماك |
|
يالخذت روحي اوياك |
ريّض يحادي
* * *